Եթե մի օր ՀՀԿ-ն ուզենա ԱԺ-ում քննարկում անցկացնել, այստեղի ղեկավարությունը դահլիճ կտրամադրի… Ալեն Սիմոնյան

ԼՈՒՐԵՐ

 

 

 

«ՀՀԿ-ականների քննադատությունները լսե՞լ եք «Իմ քայլ»-ի կողմից ԱԺ-ում փակ քննարկում անցկացնելու հետ կապված»,- այսօր լրագրողները հարցրեցին ԱԺ փոխխոսնակ Ալեն Սիմոնյանին:
«Ես միայն պարոն Շարմազանովի քննադատությունն եմ լսել»,- պատասխանեց Սիմոնյանը:
Դիտարկմանը, թե Արմեն Աշոտյանը նույնպես քննադատություն է հնչեցրել գործող իշխանության հասցեին, որ Ազգային ժողովը ՔՊ կուսակցական գրասենյակի են վերածել և փակ հանդիպումներ են անում, ԱԺ փոխխոսնակն արձագանքեց. «Ես կարծում եմ, եթե մի օր «Հանրապետական» կուսակցությունն ուզենա այստեղ քննարկում անցկացնի, ապա Ազգային ժողովի ղեկավարությունը դահլիճը կտրամադրի իրենց: Այլ խնդիր է՝ արդյոք կկարողանա՞ն իրենք 132 մարդ հավաքել դահլիճ լցնելու համար, թե ոչ»:
Հաջորդ հարցին՝ նորմա՞լ է, որ ցանկացած կուսակցութուն Ազգային ժողովի նիստերի դահլիճում քննարկում անցկացնի, Ա. Սիմոնյանն կրկնեց. «Ես նորմալ եմ համարում, որ եթե որևէ կուսակցություն դիմի Ազգային ժողովին, Ազգային ժողովը պարտավոր է տրամադրել դահլիճը»,- եզրափակեց նա:

Оцените статью
error: Content is protected !!