Վրաց-ռուսական սահմանին Հայաստանի քաղաքացիներ են ձերբակալվել. Հայտնի է պատճառը

ԳԼԽԱՎՈՐ

Նոյեմբերի 22-ին

Վրաստանի ֆինանսների նախարարության մաքսային ծառայության աշխատակիցները Կազբեգի

մաքսակետում ՀՀ քաղաքացի Դ.Գ.-ի հսկողության տակ գտնվող ավտոբուսի մանրակրկիտ զննումից հետո հայտնաբերել են թմրամիջոցներ՝ 149 գրամ կոկաին և 64 գրամ հաշիշ:

Տեղեկությունը տարածում է Վրաստանի ֆինանսների նախարարությունը: Այս մասին հայտնում է «Ալիք Մեդիան»:

Վրաստանի ներքին գործերի նախարարությունից «Ալիք մեդիային» հայտնել են, որ ձերբակալված է երեք անձ, որից մեկը վարորդն է, երկուսը՝ հավանաբար, ուղևորներ: Գործը հետագա ընթացքի համար ուղարկվել է ՆԳՆ Կազբեգիի քրեական ոստիկանության վարչություն:

Հետաքննություն է սկսվել քրեական օրենսգրքի 262 հոդվածի առաջին մասով: Ընթանում է համապատասխան փորձաքննություն, կատարվում են քննչական գործողություններ:

Оцените статью
error: Content is protected !!