Դադիվանքում շարունակելու են միջոցառումներ ու հարսանիքներ կազմակերպել՝ Աստծո կամոք. Տեր Հովհաննեսն

ԼՈՒՐԵՐ

Դադիվանքում հոգևոր ծառայությունները շարունակվում են, Վեհափառ Հայրապետի տնօրինությամբ՝ հոգևորականներն այնտեղ են մնում, խմբերով հերթապահություններ են իրականացվում, գիշերները մնում են, պատարագ, ժամերգություն անցկացնում: Այս մասին այսօր Tert.am-ին փոխանցեց Քարվաճառի շրջանի հոգևոր հովիվ, Դադիվանքի վանահայր Հովհաննես քահանա Հովհաննիսյանը:

Քահանան նշեց, որ դեռ արձակուրդում է, Հայաստանում է գտնվում, սակայն արձակուրդից հետո վերադառնալու է Արցախ: «Իհարկե, Դադիվանքում շարունակելու են միջոցառումներ ու հարսանիքներ կազմակերպել՝ Աստծո կամոք»:

Հիշեցնենք, որ Արցախի 7 շրջանները՝ այդ թվում Քարվաճառի տարածքը թշնամուն անցելուց հետո Դադիվանքում հայերի մուտքը միայն լինելու է ամսվա որոշ օրերի՝ ռուս խաղաղապահների ուղեկցությամբ:

Հիշեցնենք նաև, որ Տեր Հովհաննեսն ավելի վաղ ասել էր՝ որևէ կերպ չի ուզում ձեռք տալ եկեղեցու խաչքարերին ու տեղափոխել դրանք, նշել էր, որ դեռ հրաշքի է սպասում:

Оцените статью
error: Content is protected !!