Գիտե՞ք՝ որ բանտն են թուրքերը նետել ուշակորույս Սոսե Մայրիկին. եկեք պարզենք
Աղբյուր Սերոբի կինն ու զինակիցը՝ Սոսեն, հայրենասեր հայ կնոջ կերպարի մարմնավորումն է։
Եկեք պարզենք, թե նա ինչպես էր հայտնվել բանտում:
Գեղաշենի գյուղապետ Ավոն 1899 թվականին ծխախոտով թունավորում է Սերոբին և վերջինիս գտնվելու վայրի մասին հայտնում ցեղապետ Խալիլ աղային։ Նշենք, որ գյուղապետին կաշառել էր Հուսեյն էֆենդին: Հայդուկն անհավասար մարտում մինչև վերջին շունչը կռվում է և նահատակվում։ Սոսեն որդու հետ հասնում է ամուսնու գրաված դիրքերը և հերոսաբար շարունակում կռիվը։ Թուրքերը գերի են վերցնում վիրավոր և ուշակորույս Սոսեին։ Նրան նետում են Բաղեշի բանտ։
Այստեղից ազատվելուց հետո Սոսեն անցնում է Կովկաս, ապա՝ Պոլիս և վերջապես հաստատվում Եգիպտոսի Ալեքսանդրիա քաղաքում, որտեղ 1952 թվականին վախճանվում է:
