Մի քանի օր առաջ Տրնդեզ էր ու ինչպես բոլոր նոր նշանված ու ամուսնացած զույգերը, այնպես էլ մենք, պատրաստվում էինք այդ տոնին:
Ես ու Մարատը նշանվել ենք մի քանի ամիս առաջ ու պատրաստվում էինք ամուսնանալ, սակայն այն, ինչ տեղի ունեցավ մի քանի օր առաջ, ամեն ինչ փոխեց:
Մարատը ծնողների ու բարեկամների հետ մեր տուն եկավ, սկզբում ամեն ինչ լավ էր, նախքան նրա խմելն ու կռիվ սարքելը:
Նա այնպիսի պատմություն սարքեց իմ եղբայրների հետ, որ ես մինչև հիմա հիշելիս սարսռում եմ: Ես նրան երբեք այդ վիճակում չէի տեսել: Պարզվում է՝ նա խմում է և կորցնում իրեն: Դա ինչ-որ հիվանդություն է, որը անկառավարելի է դարձնում մարդուն, երբ նա խմիչքի ազդեցության տակ է:
Հիմա ես հասկանում եմ, որ եթե մնամ նրա հետ ամբողջ կյանքում ստիպված եմ լինելու հանդուրժել նրա այս պահվածքը:
Ուզում եմ նշանս հետ տալ, սակայն ծնողներս ասում են, որ եթե նման բան անեմ, իրենք երես կթեքեն ինձնից: Նրանք մտածում են միայն բարեկամների ու հարևանների կարծիքների մասին, իսկ իմ ապագայի վրա թքած ունեն: Կանգնել եմ փաստի առաջ, չգիտեմ ինչ անեմ՝ մնամ նրա հետ ու կործանեմ կյանքս, թե բաժանվեմ ու հեռանամ տնից:
