Այսօր ներկայացնում ենք շատ համեղ, պարզ, գունեղ ու շատ արագ աղցանի բաղադրատոմս:
Բացի նշված առավելություններից, չենք կարող չասել, որ աղցանը շատ օգտակար է ու հագեցած վիտամիններով:
Անհրաժեշտ բաղադրիչներ.
գազար՝ 2 հատ, մոտ 600գ
պանիր՝ 150գ
ձու՝ 5 հատ
մայոնեզ կամ թթվասեր
աղ
սխտոր՝ 4 պճեղ
մաղադանոս
Պատրաստման եղանակ.
Գազարն անցկացնում ենք խոշոր քերիչով:
Նույնն անում ենք նաև պանրի հետ:
Եփում ենք ձուն ու քերում:
Ավելացնում ենք ճզմած սխտորը. հենց դրա քանակից է կախված աղցանի քշվությունն ու բույրը:
Ավելացնում ենք մայոնեզ կամ թթվասեր:
Ի դեպ, այս աղցանի համար անթերի է տնական մայոնեզը:
Ցանկության դեպքում ավելացրեք նաև կանաչի, ցանկալի է՝ մաղադանոս:
Աղցանը մատուցեք անմիջապես պատրաստելուց հետո: Կարող եք համադրել մսի, խավարտների հետ: Հիանալի կլինի ջեռոցում եփված հավի հետ համադրությունը:
Բարի ախորժակ: