Օրեր առաջ թխել էի այսպիսի համեղ ու ախորժելի թխվածքաբլիթ, և ուզում եմ բաղադրատոմսով կիսվել նաև ձեզ հետ:
Անհրաժեշտ բաղադրիչներ.
ալյուր՝ 350գ
շաքարավազ՝ 3ճ.գ.
մածուն՝ 150մլ
ձեթ՝ 70մլ
ձու՝ 1 հատ
փխրեցուցիչ՝ 1թ.գ.
վանիլի շաքար՝ 8գ
Թխում ենք 180 ջերմաստիճանի ներքո՝ 20-25 րոպե:
Պատրաստման եղանակ.
Հարել ձուն, ավելացնել շաքարավազը, վանիլի շաքարը: Խառնելուց հետո լցնել ձեթ և մածուն: Լավ խառնել: Կարևոր է, որ մածունը լինի սենյակային ջերմաստիճանի:
Աստիճանաբար լցնել փխրեցուցիչը, նաև մաղած ալյուրը:
Ալյուրն ամբողջությամբ մի լցրեք, ավելացրեք քիչ-քիչ:
Խառնելուց հետո սկսել հունցել ձեռքերով՝ մինչ փափուկ խմոր կստացվի:
Պատրաստի խմորը բաժանել երկու հավասար մասերի:
Յուրաքանչյուրը կտրատել ևս 8 մասի:
Խմորի կտորներին գնդիկի ձև տալ:
Մինչ աշխատում եք խմորի հետ, պատրաստի գնդիկները ծածկեք տոպրակով, որ չչորանան:
Յուրաքանչյուր գնդիկը թաթախել շաքարավազի մեջ՝ սպիտակ կամ շագանակագույն:
Տեղափոխել յուղաթղթով ծածկված տապակի մեջ, դանակով կտրվածքներ անել:
Ուղարկել ջեռոցը:
Բարի ախորժակ
